بـارزان خـالـد_نـاوەنـدی ھـەواڵ_نوێ ژین
سەرۆکـی دەزگای لوتکـە بۆ کـاروباری ئاوارە و پەنابەرانی ھـەرێمی کـوردستان ڕایگەیاند، بەمەبەستی گەڕانەوەیان بۆ وڵاتی عێـراق حـکـوومەتی یۆنان بڕیاری داوە بڕی ٢ ھەزار یۆرۆ بداتە ھـەر پەنابەرێک کـە ئارەزوومەندانە بگەڕێتەوە عێراق.
"ئـاری جـەلال"، سەرۆکـی دەزگای لوتکـە بۆ کـاروباری ئاوارە و پەنابەرانی ھـەرێمی کـوردستان ڕاگەیاند: "ئەمڕۆ دووشەممە ئاگادارکـراین لەلایەن باڵوێزی عێراق لەیۆنان بە نوێنەری دەزگای لوتکـە ڕاگەیاندراوە ھـەر پەنابەرێکـی عێراقی کـە ئێستا نیشتەجـێی وڵاتی یۆنانە، دەیەوێت ئارەزومەندانە بگەڕێتەوە عێراق ھاوکـاری و کـارئاسانی بۆ دەکـرێت، بڕی ٢ ھـەزار یۆرۆی پێدەدرێت".
گوتیشی: "تەنانەت ئەگەر خـێـزانێک بگەڕێتەوە ھـەر ئەندامێکـی خـێزانەکـە ئەو بڕە پارەیان پێدەدرێت".
"ئاری جـەلال"، باسی ئەوەشی کـرد: "ئەو ھـاوکـاریی و بڕیارە ئەو کـۆچـبەر و پەنابەرانە دەگرێتەوە، کـە لە پێش ڕێکـەوتی ١ـی ١ـی ٢٠٢٠، چـوونەتە ناو خـاکی یۆنان.
ھـەر پەنابەرێکـیش دەیەوێت بگەڕێتەوە عێراق و ھـەرێمی کـوردستان دەتوانێت بۆ ناو نووسین، ڕێکـار و ڕێنماییەکـانی خـۆتۆمارکـردن، سەردانی باڵوێزی عێراق لە ئەسینای پایتەخـتی یۆنان بکـات".