بـارزان خـالـد_ناوەندی ھەواڵ_نوێ ژین
بەڕێوەبەری گشتی خانەنشینی هەرێمی کوردستان رایگەیاند، بڕیاری کەمکردنەوەی مووچە بۆ ئەم مانگە و لێبرینی مووچەی خانەنشینانیش دەگرێتەوە.
حازم ئیسماعیل، بەڕێوەبەری گشتی خانەنشینی هەرێمی کوردستان رایگه‌یاند: "مووچەی خانەنشینی پلە تایبەتەکان لە بەڕێوەبەری گشتی بۆ سەرەوە و هەروەها پلە تایبەتەکانی خانەنشینی سەربازی سەرجەمیان ٪٥٠ مووچەکانیان کەم دەکرێتەوە، ئەوەی ٦ ملیۆن دینار مووچەکەی بێت تەنیا ٣ ملیۆن دینار وەردەگرێت".
ناوبراو ئاماژەی بەوەشکرد: "ئەو خانەنشینانەی مووچەکانیان لە ٣٠٠ هەزار دینار کەمترە مووچەکانیان دەستکاری ناکرێت و وەکو پێشوو مووچە وەردەگرن، ئەو خانەنشینانەی مووچەکانیان لە ٣٠٠ هەزار دینار زیاترە ٪٢١ـی مووچەکانیان دەبڕدرێت".
ليست هناك تعليقات:
إرسال تعليق