ھۆزان احمد_ناوەندی ھەواڵ_نوێ ژین
وابڕیارە پاش نیوە‌ڕۆی ئەمڕۆ شەممە ١٢ ی کانوونی یەکەمی ٢٠٢٠، وەفدی باڵای حكومە‌تی ھەرێم بە‌سە‌رۆكایە‌تی قوباد تاڵە‌بانی جێگری سەرۆكی ئە‌نجومە‌نی وە‌زیران، لەگەڵ بە‌غدا كۆببێتەوە.
سە‌میر ھە‌ورامی وتە‌بێژی قوباد تاڵە‌بانی رایگە‌یاند:"وابڕیارە پاش نیوە‌ڕۆی ئەمڕۆ شەممە كۆبونەوەی لوتكە لە‌بە‌غدا ئە‌نجامبدرێت،لەگەڵ سەرۆك وەزیرانی عێراق و سەرۆكی ئە‌نجومە‌نی نوێنە‌رانی عێراق و سەرۆكی لیژنەی دارایی، بۆ گفتوگۆكردن لەبارەی چۆنیە‌تی رێككەوتن لە‌نێوان هەرێم‌و بەغداد".
سە‌میر ھە‌ورامی ئەوەشی خستۆتەڕوو، وەفدی هەرێم هەوڵی زامنكردنی ٣٢٠ ملیار دینارەكەی موچەی فەرمانبەرانی هەرێم، و شایستە داراییەكانی هەرێمی كوردستان لە یاسای كورتهێنانی قەرزدا دەدات.
ئەوەش دوای ئەوە دێت، لە‌كۆبوونە‌وە‌كانی پێشوودا، لەگەڵ حكومە‌تی عێراق و لایە‌نە سیاسییە‌كان، قوباد تاڵە‌بانی رایگە‌یاندبوو ئامادە‌ین رێككەوتن لە‌سە‌ر پرسی نە‌وت و دارایی بكە‌ین و ئە‌وە‌ی لە‌سە‌ر حكومە‌تی ھە‌رێمە بە‌پێی یاسا و دە‌ستور جێبە‌جێی دە‌كە‌ین، لە‌بە‌رامبە‌ردا دە‌بێت ماف و شایستە داراییەكانی ھەرێم دیاری بكرێت و بدرێت.
ليست هناك تعليقات:
إرسال تعليق