بارزان خالد_ناوەندی ھەواڵ_نوێ ژین
وتەبێژی وەزارەتی تەندروستی ھەرێمی کوردستان داوای لەھاووڵاتیان دەکات خۆیان لە ڤایرۆسی کۆڕۆنا بپارێزن چۆنکە دۆخەکە زۆر مەترسیدارە.
د.ئاسۆ حەوێزی، وتەبێژی وەزارەتی تەندروستی ھەرێمی کوردستان ڕایگەیاند: "ئەوەی لەماوەی ڕابردوو ڕوویدا ئەگەر هاووڵاتیان ئاگایان لەخۆیان نەبێت لە پایز و زستاندا تووشبوون و مردن زۆر زیاتر دەبێت، هیچ نەخۆشخانەیەکی حکومی و ئەهلی شوێنی نامێنێت بۆ نەخۆش".
ناوبراو وتیشی: "لە دهۆک و سلێمانی تووشبوون و مردن لە هەڵکشانە، لە هەولێر و هەموو شارەکانی تر پێشبینی زیاتر دەکرێت و کۆڕۆنا جیاوازی ناکات لە هیچ سنوور و شوێنێک، داواش لە هاووڵاتیانی خۆشەویست دەکەم خۆیان باش بپارێزن و ئەم نەخۆشیە بە هەندی وەربگرن".
بەپێی دوایین ئامارەی وەزارەتی تەندروستی حکومەتی ھەرێمی کوردستان بڵاوکراوەتەوە، تا ئێستا ٤٦ ھەزار و ٦٢٨ تووشبوو، ٣١ ھەزار و ٦٧٢ چاکبوونەوە و ١٨٠٧ حاڵەتی دیکەی گیان لەدەستدان بەھۆی ڤایرۆسی کۆرۆناوە لەھەرێمی کوردستان تۆمارکراون.
ليست هناك تعليقات:
إرسال تعليق