دیار حسێن - ناوەندی هەواڵ - نوێ ژین
سه‌رۆكی په‌رله‌مانی كوردستان بانگێشتنامەیەکی بۆ پەرلەمانتاران ناردوە و تێیداهاتووە، ئەمڕۆ پەرلەمان کۆبونەوەی نائاسایی ئەنجامدەدات و خوێندنەوەی دووەم بۆ پڕۆژە بڕیاری پێشنیازی دیاریکردنی رۆژێک تایبەت بە ئێزدیەکان دەکات.
د.رێواز فائق، سه‌رۆكی په‌رله‌مانی كوردستان لە نوسراوێکدا بانگهێشتی ئه‌ندامانی په‌رله‌مان ده‌كات و رایگەیاندوە، "بە پشت به‌ستن به حوكمی بڕگه‌ى یه‌كه‌م له مادده‌ى ۸ى په‌یڕه‌وی ناوخۆی په‌رله‌مانی كوردستانی-عێراق، بڕیارماندا بانگهێشتی گشت ئه‌ندامه به‌ڕێزه‌كانی په‌رله‌مان بكه‌ین بۆ دانیشـتنی ژماره "۲"ى نائاسایى، ســـاڵی یه‌كه‌م له خولی هه‌ڵبژاردنی پێنجه‌می په‌رله‌مانی كوردستان-عیراق".
ئەوەشی خستۆتە ڕوو، کۆبونەوەکە کاتژمێر ۱۱:۰۰ی پێشنیوه‌ڕۆى رۆژی پێنجشه‌ممه رێكه‌وتی ۱ی ئاب ۲۰۱۹ بەڕێوەدەچێت.
کۆبونەوەکەی ئەمڕۆی پەرلەمانی کوردستان تایبەتە بە خوێندنەوەی دووەم بۆ پڕۆژە بڕیاری پێشنیازی دیاریکردنی رۆژێک تایبەت بە ئێزدیەکان دەکات.
ليست هناك تعليقات:
إرسال تعليق