ئوسامە ئەحمەد_ناوەندی ھەواڵ_نوێ ژین
باڵیۆزی ئەمریکا لە نەتەوەیەکگرتوەکان جەختی لە هەڵوێستی وڵاتەکەی کردەوە لەبارەی سەپاندنەوەی سەرجەم سزاکان بەسەر ئێراندا و رایگەیاند، هەر وڵاتێک مامەڵەی چەک لەگەڵ تاران بکات دەخرێتە لیستی سزاکانی واشنتۆنەوە.
کێلی کرافت، لە لێدوانێکدا رایگەیاند: "ئەگەر چەکی پێشکەوتوو بکەوێتە دەست ئێران، داهاتووی پرۆسەی ئاشتەوایی و سەقامگیری رۆژهەڵاتی ناوەڕاست دەکەوێتە مەترسییەوە، پێویستە سەرجەم سزانیودەوڵەتیەکان جارێکی تر بەسەر ئێراندا بسەپێنرێنەوە".
باڵیۆزی ئەمریکا لە نەتەوەیەکگرتوەکان هۆشداریشیدایە ئەو لایەن و وڵاتانەی کە گەمارۆی چەکی سەر ئێران پێشێل دەکەن و لەو رووەشەوە وتی: "واشنتۆن رێگە نادات هیچ وڵاتێک مامەڵەی کڕین و فرۆشتنی چەک لەگەڵ ئێران بکات، هەر کەس و دامەزراو و وڵاتێک کە هەوڵ بدات گەمارۆی چەک لەسەر ئێران ببەزێنێت، دەخرێتە لیستی سزاکانی ئەمریکاوە".
دوای ئەوەی ئەمریکا سەرکەوتوو نەبوو لە درێژکردنەوەی وادەی گەمارۆی چەک لەسەر ئێران، لەئێستادا لە هەوڵی ئەوەدایە کە سەرجەم سزا نێودەوڵەتیەکان بۆ سەر ئێران بگەڕێنێتەوە
ليست هناك تعليقات:
إرسال تعليق