سەیران عزیز _ تەندرووستی _ نوێ ژین
تاوەکو ئێستاش زانایان بیروڕایان جیاوازە دەربارەی سودەکانی ئاوی سارد و ئاوی گەرم بۆ پێست و قژ و جەستەی مرۆڤ .
سایتی "ستایلیست" لە زاری "رو ھانتریس" کە پسپۆڕێکی بواری خۆراکە بڵاوی کردەوە، " ئاو بەشێکی سەرەکییە لە سیستمی خواردنماندا بەھۆی ئەوەی یاریدەدەرە بۆ بەشێکی زۆر لە ئەرکەکانی جەستەمان لەوانەش، ڕێکخستنی پلەی گەرمی جەستە و ئەرکەکانی گورچیلە و کرداری ھەرس، ھەروەھا ئەرکەکانی مێشک .
ئاماژەی بەوەشداوە، ئاو بەکارھێنانی زۆری ھەیە، و ھەر بەکارھێنانێکیشی تایبەتمەندی خۆی ھەیە .
ئاوی سارد بخۆینەوە یان گەرم، لە کاتی ئەنجامدانی وەرزشدا ؟
بەرزبوونەوەی تێکڕای لێدانەکانی دڵ لە کاتی وەرزشکردندا دەبێتە ھۆی ئەوەی جەستە بڕێکی زۆر ئاو لە دەست بدات، لەبەر ئەوە پێویستە لە کاتی وەرزشکردن و دوای وەرزشکردن بڕێکی باش ئاو بخورێتەوە .
بە پێی بیروڕای ھانتریس ،لە کاتی وەرزشکردندا پلەی گەرمی لەش بەرز دەبێتەوە، لەبەر ئەوە خواردنەوەی ئاوی سارد لە کاتی وەرزشکردندا پێویستە بۆ دابەزاندنی پلەی گەرمی لەش .
ئاماژەی بەوەشداوە ، بە پێی توێژینەوەکان ئەگەر پلەی گەرمی ئاو ١٦ پلەی سەدی بێت، ڕێگر دەبێت لە وشکبوونەوەی دوای وەرزشکردن .
ئاوی سارد یاخود گەرم، کامیان بەسودە بۆ ھەرسکردن ؟
کیم پلازا، کە ڕاوێژکارێکی بواری خۆراکە دەڵێت " دەکرێت ئاوی سارد کاریگەری نەرێنی ھەبێت لەسەر کرداری ھەرس، ھەروەھاخواردنەوەی ئاوی سارد دەبێتە ھۆی زیان گەیاندن بە گەدە و سورێنچک "
لەبەر ئەوە خواردنەوەی ئاوی گەرم یاخود شلەتێن هاندەرە لە ئارامکردنەوەی سورێنچک و کرداری ھەرس کردن ئاسان دەکات .
کیم پلازا ئەوەشی خستۆتەڕوو، زۆرینەی توێژینەوەکان ئەوە دەسەلمێنن کە خواردنەوە گەرمەکان یارمەتیدەرن بۆ کرداری ھەرس و خەوتن بە شێوەیەکی باش.
ليست هناك تعليقات:
إرسال تعليق