کەشوھەوا _ نوێ ژین
دەستەی كەشناسی عێراق ڕایگەیاند، پێشبینی دەكرێت لە ڕۆژانی داهاتوودا پلەکانی گەرما لە عێراق و هەرێم بەرزببنەوە.
ئەمڕۆ یەکشەممە ٢٦ـی ئەیلوولی ٢٠٢١، دەستەی کەشناسی عێراق لە ڕاگەیەندراوێکدا ئاماژەی بۆ ئەوە کردووە، "سبەی کەشوھەوای پارێزگاکانی باشور و ناوەڕاستی عێراق ئاسایی دەبێت، پلەکانی گەرما دابەزینێکی کەم بەخۆیەوە دەبینێت".
بەڵام پێشبینی ئەوەی کردووە، لە ڕۆژانی داهاتوودا پلەكانی گەرما بەرز ببنەوە و بچنە سەرو ٣٨پلەی سیلیزی.
ھاوکات لە ڕاگەیاندراوەکەدا كەشناسی عێراق باسی لەوە کردووە، لە پارێزگاكانی هەرێمیش پلەکانی گەرما لە سبەینێ دووشەممەوە چەند پلەیەك بەرزدەبێتەوە، لەنێوان٣٣ تا ٣٦ پلە دەبن و تا كۆتایی هەفتەش بەوشێوەیە بەردەوام دەبێت.
ئەمەش لەکاتێکدایە، ماوەی چەند ڕۆژێکە وەرزی پایز دەستیپێکردووە، ھاووڵاتییان چاوەڕوان دەکەن پلەکانی گەرما ڕوو لە دابەزین بکەن.
ليست هناك تعليقات:
إرسال تعليق