بەهادین حسن ـ ناوندی هەواڵ ـ نوێ ژین
بەهۆی بارانبارینەوە بەشێک لە شاخێکی سەر ڕێگایەکی سەرەکی سنووری شاری سۆران دادەڕمێ و پۆلیسی ناوچەکەش هۆشداریی دەداتە شۆفێرانی ڕێگاکە.
(رائید دلاوەر لەتیف)گوتەبێژی بەڕێوەبەرایەتی هاتوچۆی سۆران رایگەیاند: "بەهۆی هەڵکەوتەی سنوورەکەمان و بوونی ناوچەی شاخاوی، زۆرجار لە کاتی بارانباریندا لە هەندێک شوێن داڕمان یاخود ڕۆچوون ڕوودەدات و دەبێتە هۆی داخستنی ڕێگاکان، بۆیە پێویستە شۆفێران هۆشیاربن، لەکاتی لێخوڕینی ئۆتۆمبێلەکانیان".
گوتیشی: "ئەمڕۆ هەینی ئاگادار کراینەوە، کە بە هۆی داڕمان و رووخانی پلێتەکانی زەوی خۆڵ و بەرد هاتۆتە سەر ڕێگای لۆفەکانی سەری بەردی له ڕێگای سەرەکی سیدەکان، بۆیە پێویستە شۆفێران هۆشیاربن، تا گەیشتنی تیمەکانی ڕێگاوبان و لابردنی بەربەستەکان.
ليست هناك تعليقات:
إرسال تعليق