نیشانەکانی کەمی ڤیتامین و ئەو خۆراکانەی پێویستە بخورێت

دەریا هەرکی - تەندروستی - نوێ ژین.

هەندێ لەو نیشانانەی دەتوانرێت لەڕێگەیەوە بزانرێت چ ڤیتامینێک لە جەستەدا کەمە پێویستە کۆمەلێک خۆراک بخۆیت بۆ ئەوەی جێگەی ئەو ڤیتامینانە بگرێتەوە لەوانەش :-

١- ئەگەر هەوکردنی بەردەوامت هەبوو بە تایبەتی لە بەشەکانی سەرەوەی ئەندامی هەناسە , دەرکەوتنی برین لە دەم , شەو کوێری , وشکبونەوەو قڵیشاوی پێست , واتای یەوەیە ڤیتامین A کەمە لە جەستەدا.

ئەو خۆراکانەی پێویستە لەو کاتەدا بەکار بهێنرێت پەنیر , شیر , کەرێ , ڕوەکەکان وەک سپێناخ , کاهوو , کەلەم , گێزەر , تەماتە وەهەروەها شەربەتی پرتەقالیش.

٢- لە کاتی هەستکردن بە ماندوویی بەردەوام , نەبوونی تەرکیز , قلیشانی لێوەکان  , حەساسیەت بە ڕۆناکی , دلە ڕاوکێی بەردەوام , ئارەقکردنەوە , واتای ئەوەیە ڤیتامین B کەمە.

پێویستە خومرە , گۆشت , جگەر, زەردێنەی هێلکەو سەوزەوات , میوە , سپێناخ , کەلەم , گێزەر بخورێت.

٣- گەر بەردەوام هەستت بە سەرما کرد , یان خوێن بەربوونی پووک , ساڕێژ نەبوونی برین بە ئاسانی , لەو کاتەدا تۆ ڤیتامین C کەمە لە جەستەدا.

  پێویستە جگەر , شەربەتی لیمۆ , پرتەقال , شلیک , توور , سێو , کەلەم , مەعدەنووس , تەماتە بخورێت.

٤- گەر ئازاری جومگەکانت هەبوو ڤیتامین D کەمە .

پێویستە ماست , زەردێنەی هێڵکە , وەستان لە بەردەم تیشکی خۆر باشترین چارەسەرە.

٥- ئەگەر هەستت بە ماندووبون کرد لە کەمترین جوولە و برینەکانت بەهێواشی ساڕێژبوون ئەوا ڤیتامین E کەمە لە جەستەدا.

پێویستە سەوزە گەلایەکان وەکو جەرجیر , مەعدەنووس , سپێناخ , گەنم , زەیتی گەنمە شامی بەکار بهێنرێت.