بارزان خالد_ناوەندی ھەواڵ_نوێ ژین
وەزارەتی دارایی و ئابوری هەرێمی کوردستان رایدەگەیێنێت، رۆژانی٢٩ ،٣٠ و ٣١ـی ئەم مانگە و رۆژانی ١و ٢ـی مانگی داهاتوو مووچه‌ی وه‌زاره‌تی كاروباری شه‌هیدان و ئه‌نفالكراوان دابەشده‌كرێت.
بەپێ ئەو خشتەیەی وەزارەتی دارایی و ئابوری هەرێمی کوردستان بۆ دابەشکردنی مووچە دیاریکردووە، رۆژانی یەکشەممە و دووشەممە٢٨و ٣٠ـی٣ـی٢٠٢٠ مووچەی خانەوادەی شەهیدانی سەنگەر دابەشدەکرێت.
هەروەها رۆژی سێشەممە ٣١ـی٣ـی٢٠٢٠ مووچەی خانەوادەی ئەنفالکراوان دابەشدەکرێت و رۆژانی چوارشەممە و پێنجشەممە ١ و ٢ـی٤ـی٢٠٢٠ مووچەی خانەوادەی شەهیدانی هاووڵاتی دابەشدەکرێت.
لە راگەیێندراوەکەی وەزارەتی دارایی و ئابوری هاتووە: "بۆ پاراستنی خانەوادەی شەهیدان و ئەنفالکراوان لە ڤایرۆسی کۆرۆنا، بۆ جێبەجێکردنی رێنماییەکانی خۆپاراستن و سەلامەتی هەماهەنگی تەواودەکرێت لەنێوان وەزارەتەکانی (دارایی و ئابوری، شەهیدان و ئەنفالکراوان، تەندروستی و ناوخۆ) تاوەکو قەرەباڵخی دروست نەبێت و لێکنزیکبوونەوە زۆر کەمبکرێتەوە بەشێوەیەک مەترێک دووری هەبێت لەنێوانیاندا".
وەزارەتی دارایی دڵنیایی دەدات کە لەکاتی گەیشتنی تەمویلی بەغدا بۆ ھەرێمی کوردستان دەستدەکرێت بە دابەشکردنی مووچەی وەزارەت و دامەزراوەکانی دیکە.
ليست هناك تعليقات:
إرسال تعليق