شوان امین_ناوەندی هەواڵ_نوێ ژین
سکرتێری رێکخراوی یەکێتی پیاوانی کوردستان دەڵێت ئەمساڵ تووندوتیژیی بەرامبەر پیاوان لە هەرێمی کوردستان زیادی کردووە و خۆکوشتنیش بووەتە نزیکەی دوو هێندە.
ئەمڕۆ چوارشەمە ۳۰ـی ئەیلولی۲۰۲۰،بورهان عەلی فەرەج، سكرتێری یەكێتی پیاوانی كوردستان رایگەیاند: "ئەمساڵ بەهۆی بەرکەوتنی زیاتری نێوان ژن و مێرد و مانەوەی پیاو لە ماڵەوە، بەکارهێنانی تووندوتیژی جۆراوجۆر بەرامبەریان زیادی کردووە، وە ئەمساڵ ٥ پیاو لەلایەن هاوژینەکانیان کوژراون".
ناوبراو ئاماژەی بەوەشکرد:"تاوەکو سەرەتای مانگی ۹ـی ئەمساڵ ٤۷ پیاو خۆیان کوشتووە، کە ئەگەر بەراوردی بکەین لەگەڵ ساڵی رابردوو، ژمارەکە نزیکەی دوو هێندە زیادی کردووە، چونکە لە ۹ مانگی ساڵی رابردوودا ۲٦ حاڵەتی خۆکوشتنی پیاوان تۆمارکراون".
لەکۆتایشدا باسی لەوەکرد:"کە تەنیا لە رێگەی نووسینگەکانی ئێمە لە پارێزگا و قەزاکان ٤۸٦ پیاو سکاڵایان لە دژی هاوژینەکانیان تۆمار کردووە،وە ئەگەر ئەم چەند مانگە قەدەخەی هاتووچۆ و کەرەنتین نەبووایە، ژمارەی سکاڵاکانی پیاوان زۆر زیاتر دەبوون".
ليست هناك تعليقات:
إرسال تعليق