ناوەندی هەواڵ _ نوێ ژین
چالاکوانێکی ئێزیدی ڕایدەگەیەنێت،ئەمشەو یەکینەکانی بەرخودانی شنگال یەپەگە بارەگاکانی خوی لە سەنتەری قەزای شنگال چوڵکرد و بریارە ھێزەکانی پۆلیسی فیدراڵیی عیراق شوێنەکانیان بگرنەوە.
چالاکوانێکی ئێزدی لە شنگال راگەیاند:" دوای ئەوەی ئەمڕۆ دووجار یەپەگە لە شنگال خۆپێشاندانیان کرد لە دژی رێکكەوتنی ھەولێر و بەغدا، ئەمشەو بارەگاکانی خۆیان لەو شاره چوڵکرد".
ئەو چالاکوانە دەشڵێت،" بەپێی زانیارییەکان تەواوی بارەگاکانی ناوسەنتەری قەزای شنگال چوڵکران و رادەستی ھێزەکانی پۆلیسی فیدراڵیی عیراق کراون".
ووتیشی،" ئەو بارەگایانەی ئەمشەو یەپەگە چوڵیكردوون، پێشتر لە ژێر کونترۆڵی سوپا و پۆلیسی عێڕاقدابوون".
ئەوەشی خستەڕوو،" بارەگاکانی یەکینەکانی بەرخودانی شنگال لە سەر چیای شنگال و گەلی کەرسێ و چەند شوێنێکی تر ماون و تائێستا چوڵ نەکراون".
دوای ڕێککەوتنی هەولێر و بەغدا لەسەر شەنگال لە لایەن بەشێک لە ئێزیدیەکانەوە نیگەرانی لێکەوتەوە و نەڕازیبوون لەسەر ئەم ڕێککەوتنە و بەشێکیشیان پێیان وایە شارەکەیان فرۆشراوە بە عێڕاق.
ليست هناك تعليقات:
إرسال تعليق