بارزان خالد_ناوەندی ھەواڵ_نوێ ژین
ئه‌ندامێكی لیژنه‌ی دارایی له په‌رله‌مانی كوردستان زانیاری لەبارەی دابەشکردن و لێبڕینی مووچە دەخاتەڕوو و رایده‌گه‌یه‌نێت، به‌رله‌جه‌ژنی نه‌ورۆز مووچه‌ی فه‌رمانبه‌ران دابه‌ش ناكرێت.
ئه‌رشه‌د حسێن، ئه‌ندامی لیژنه‌ی دارایی له په‌رله‌مانی كوردستان راگه‌یاند: "به‌رله‌جه‌ژنی نه‌ورۆز مووچه‌ی مانگی ٣ـی ٢٠٢١ـی، فه‌رمانبه‌ران دابه‌ش ناكرێت، چونكه حكومه‌ت بڕیاریداوه هه‌موو ٢٥ـی مانگێك ده‌ست به‌دابه‌شكردنی مووچه بكات".
سه‌باره‌ت به‌رێژه‌ی لێبڕین له‌مووچه‌ی فه‌رمانبه‌ران و ده‌نگۆی كه‌مكردنه‌وه‌ی رێژه‌ی لێبڕینەوە ئەو ئه‌ندامەی لیژنه‌ی دارایی له په‌رله‌مانی كوردستان ئاماژەی بەوەکرد: "تاوەکو ئێستا هیچ بڕیارێك نه‌دراوه و رێژه‌ی لێبڕین به‌هه‌مان شێوه‌ی مانگه‌كانی پێشوو ده‌بێت".
ئەوە لەکاتێکدایە، پێشتر جوتیار عادل، وتەبێژی حکومەتی ھەرێمی کوردستان ڕایگەیاندبوو، ھەموو ٢٥ـی مانگێک مووچەی فەرمانبەران بەبێ دواکەوتن و بەپێی داھات دابەشدەکرێت.
ليست هناك تعليقات:
إرسال تعليق