وتارێک بەناونیشانی بەرھەمی پارتە بەناو ئۆپۆزسیۆنەکان بۆ کوردستان چی بوو ؟؟
ھەرچەند بەبڕوای خۆم لەکوردستان شتێک نەبووە و نییە بەناوی ئۆپۆزسیۆن، ئەوەی کەھەبووە زیاتر کاردانەوە و ھەوڵی سڕینەوە و تێکدان بووە(مادام بۆمن نییە نابێ بۆ ئێوەش بێت) ئەمە جەوھەری کاری چەند پارت و گروپێکی بەناو ئۆپۆزسیۆن بووە کە لەدوای ئیفلاسی سیاسی و شکستی پڕۆژەکانیان ناویان لەخۆیان ناوە ئۆپۆزسیۆن!
ئەمانە ھێندەی زەرەریان بۆ دۆزی کورد و قەوارەی سیاسی ھەرێم ھەبووە نیو ئەوەندە سوودیان نەبووە.
ئۆپۆزسیۆن زۆر شتی لەم وڵاتە تێکدا و ڕەوشتی تاکی کوردی ڕوخاند!
ئۆپۆزسیۆن سەرەتا بنمیچی چاوەڕوانی خەڵکیان زۆر بەرزکردەوە و لە خەیاڵی تاکی کورد دا جیھانێکی خەیاڵیان وێناکرد لەپێناو بەدەستھێنانی پشتگیری خەڵک، کۆمەڵێک گفت و بەڵێنی خەیاڵی ڕەنگاوڕەنگی نا واقيعيان بە گوێی تاکی کورد دا چرپاند و دواتریش ھەمووی بوو بەکەفی سەر ئاو و تەنھا خۆیان بوون بە براوەی یاریەکە و خەڵکیش ڕەش و ڕوت و بێ چارە و ھەژارتر مانەوە.
ئۆپۆزسیۆنی کوردی سەقامگیری سیاسی لە ھەرێمی کوردستاندا ورد و خاش کرد، ھەرچی پیرۆزی و سەروەری ھەبوو ھەموویان سوک و ڕیسواکرد، ھەرچی پێی دەڵێن ئینتیما و خۆشەویستی بۆ نیشتیمان لای تاکی کورد نەیان ھێشت، تاکێکی یاخی و ناحەز بە خۆی و نێشتیمان و نەتەوە یان بەرھەم ھێنا کە دواجار تەنانەت خودی پارتە ئۆپۆزسیۆنەکانیش ڕەت دەکەنەوە !!
ئۆپۆزسیۆن بەگوتارە توند و پۆپۆلیستیەکانیان دەرونی تاکی کوردیان وێران کرد و جۆرێک لە دڵەڕاوکێ و نائومێدی باڵی بەسەر تاکی کورد دا کێشا!
دۆخێکی وایان بەرھەمھێنا کە بەتەواوی ترزان و پەرتەوازەیی لە نێوکۆمەڵگای کوردی ھەستی پێ دەکرێت و بەرچاوە.
دوژمنانی کورد بەھەموو ھێز و تواناکانیانەوە نەیانتوانی گورزی وا گەورە لە دۆزی کورد و ئەزموونی سیاسی ھەرێم بدەن!!
بۆیە دەڵێم ئەوەی کە ئێستا دەگوزەرێت چەندە گوناھی پارتەدەسەڵاتدارەکانی ھەرێمی تێدابێت( لە بوونی گەندەڵی و نادادپەروەری و خرابی خزمەتگوزارییە گشتییەکان) ئەوەندە و بگرە زیاتریش بەر پارتە بەناو ئۆپۆزسیۆنەکانی کوردستان دەکەوێت.
بەڵگەش بۆ ڕاستی قسەکانم شکستی پارت و گروپە بەناو ئۆپۆزسیۆنەکان بوو لە ھەڵبژاردنی مانگی ئۆکتۆبەری ڕابردوو.
داناعبدالعزيز
ليست هناك تعليقات:
إرسال تعليق