هاوڵاتیان لە مەترسی ڕودانی لافاو ئاگاداردەکرێنەوە

به‌ڕێوه‌به‌رایه‌تی ناحیه‌ی ئاشتی و ته‌ق ته‌ق، لەسەر مەترسی لافاو ئاگادارییەکی بڵاوکردەوە و داوا له‌ هاوڵاتیان سنوره‌كه‌ ده‌كات شوێنه‌ مه‌ترسیداره‌كان به‌جێبهێلن. 

عومەر ئەحمەد، بەڕێوەبەری ناحیه‌ی‌ ئاشتی‌ و تەق تەق له‌ ئاگادارییه‌كدا ڕایدەگەیەنێت "ئاگاداری هاووڵاتیانی بەڕێزی هەردوو ناحیەی تەق تەق و ئاشتی بە گشتی و ماڵەکانی  هەردوو گەڕەکی ڕزگاری و ئاشتی لە تەق تەق و ئەو ماڵ و خێزانانەی ماڵە کانیان یان پڕۆژە و کەلوپەلیان دەکەوێتە حەرەمی زێی بچوک ( زێی دوکان)ەوە  بە لەبەرچاوگرتنی ئەو شەپۆلە بارانبارینەی کە چاوەڕوان دەکرێت شەپۆلێکی  بەلێزمە بێت و روونەدانی کارەساتی نەخوازراو، داواتان لێدەکەین کە شوێنە مەترسیدارەکانتان بەجێبهێڵن". ده‌شڵێت "تکامان وایە ئەم ئاگادارییە وەک خۆی وەربگرن و  بۆترساندن و هاتوهاوار نەبێت". 

 سەبارەت بە ڕێژەی ئاوی بەنداوی دوکان به‌ڕێوبه‌ری ناحیه‌ی ئاشتی و ته‌ق ته‌ق ده‌شڵێت"بۆ دڵنیاییتان بەنداوی دوکان هێشتا زیاتر لە مەتر و نیوێکی ماوە بۆ پڕبوون".