دیار حسێن - ناوەندی هەواڵ - نوێ ژین
بەڕێوەبەرایەتی گشتی نەھێشتنی ماددە ھۆشبەرەكان رایگەیاند، دەستیان بەسەر زیاتر لە ۱۰كیلۆ ماددەی ھۆشبەردا گرتوە، كە لەنێو چەند گۆشەیەك (بالیف)دا شاردرابوەوە و بەنیازبوون بۆ وڵاتی كەنەدا رەوانەی بكەن.
بەڕێوەبەرایەتی گشتی نەھێشتنی ماددە ھۆشبەرەكان لە هەرێمی کوردستان لە راگەیەندراوێکدا رایگەیاند، دوێنێ یەکشەممە لە دوو چالاکی جیاوازی ئەفسەر و كارمەندانی بەڕێوەبەرایەتی گشتی نەھێشتنی ماددە ھۆشبەرەكان، توانرا دەستبگیرێت بەسەر بڕی ۹ كیلۆ و ۹۰۰ گرام ماددەی ھۆشبەردا.
ئاماژە بەوەشکراوە، ماددە هۆشبەرەکە لە جۆری كریستاڵ و بڕی ٦۱۰ گرام ماددەی ھۆشبەری تلیاك، كە لەناو چەند گۆشەیەك (بالیف) شاردبوویانەوە و بە نیازبون لە رێگەی كۆمپانیایەكی گواستنەوە رەوانەی وڵاتی كەنەدای بكەن.
بەڕێوەبەرایەتی گشتی نەھێشتنی ماددە ھۆشبەرەكان وتیشی "تۆمەتباران دانیان بە تاوانەكانیانداناوە و بەپێی یاسای ۱٤ـی ھۆشبەر پەڕاوی لێكۆڵینەوەیان بۆ رێكخرا و رەوانەی بەردەم دادگا كران".
ليست هناك تعليقات:
إرسال تعليق