بـارزان خـالد_تەکنەلۆژیا_نوێ ژین
کـۆمپانیای فەیسبووک رایگـەیاند، ئەپڵیکـەیشنێکـی نوێی بەناوی "Discover" دروستکـردووە و لە رێگـەیەوە بەبێ هەبوونی پاکـێجی ئینتەرنێتیش دەتوانرێت داخـڵی زانیارییەکـان ببیت.
ماڵپەڕی حـوڕە بڵاویکـردەوە: "کـۆمپانیای فەیسبووک رایگـەیاندووە، ئەو ئەپڵیکـەیشنەی لەپێناو ئەو کـەسانەدا درووستکردووە کـە ناتوانن پاکـێجی ئینتەرنێت بکـڕن و لەگـەڵ ئەوەشدا پێویستیان بە زانیارییە".
ئاماژە بەوەشکراوە: "لە ئەپڵیکـەیشنە نوێکـەدا، بەکـارهێنەر دەتوانێت سەردانی هەموو ماڵپەڕێک بکـات و نوسینەکـانیان بخوێنێتەوە، بەڵام ناتوانێت تەماشای وێنە و ڤیدیۆ بکـات، گوێ لە دەنگ بگرێت."
لەلایەکـی دیکـەوە ماڵپەڕی تێک کـرانچ بڵاویکـردەوە: "چاوەڕێدەکـرێت ئەپڵیکـەیشنە نوێکەی فەیسبووک ئەوەندە مێگابایت بۆ بەکارهێنەر دابینبکـات کە گەڕانی ئاسایی پێ ئەنجامبدات".
ئەوەش هاتووە: "ئەپڵیکەیشنەکـە تەنیا بۆ سیستمی ئەندرۆیدە، لە ئێستادا لە هەندێک وڵاتدا بەردەستە".
ئەوەشخراوەتەڕوو، ئەپڵیکەیشنەکە لە هەندێک وڵاتدا تاوەکو ١٠ مێگابایت و لە هەندێک وڵاتی دیکەشدا تاوەکو ٢٠ مێگابایت ئینتەرنێت بە بەکارهێنەر دەبەخشێت.
ليست هناك تعليقات:
إرسال تعليق