بـارزان خـالـد_ناوەندی ھەواڵ_نوێ ژین
لیژنەی لێکۆڵینەوەی وەزارەتی ناوخۆ لە كەیسی سێوان قادر ئەنجامی لێكۆڵینەوەكان ئاشكرا دەكات و رایدەگەیەنێت، هەموو بەڵگەکان گەواهیدەرن بۆ تاوانبارکردنی تۆمەتبار.
عەمید سەرکەوت عومەر، سەرۆکی لیژنەی لێکۆڵینەوە لە وەزارەتی ناوخۆ روونكردنەوەیێکی بڵاو کردەوە و ڕایگەیاند: "ئێمە وەک تیمی وەزارەتی ناوخۆ هەر لە لیژنەی تایبەتمەند لەلایەن جەنابی وەزیر و بەڕێوەبەری گشتیمان راسپێردراین کە دەبێت شەو و رۆژ بخەینە سەر یەک بە مەبەستی گەیشتن بە حەقیقەتی رووداوەکە و دیاریکردنی تاوانبار و ئەنجامدەری تاوانەکە".
عەمید سەرکەوت عومەر ئەنجامی راپۆرتی لێژنەی لێکۆڵینەوەی ئاشکرا کردووە و دەڵێت: "هەموو بەڵگەکان گەواهیدەرن بۆ تاوانبارکردنی تۆمەتبار و دڵنیاشین لە دڵسۆزی و ویژدانی بەرزی دادوەرە بەڕێزەکانی دادگای تاوانەکان، زۆر لەوە دڵنیاین کە شەونخونی و ماندووبوونی تیمی لێکۆڵینەوە بەفیڕۆ ناچێت و ئەنجامیش هەموومان لەبەردەم خوا و عەدالەتدا سەربڵند دەبین".
ئاماژە بەوەشكراوە: "پاش گواستنەوەی دۆسیەکە لە چەمچەماڵ و رەوانەکردنی بۆ سلێمانی بە هەماهەنگی لەگەڵ تیمی دادوەری و پۆلیس ئەزمەڕ کارەکان بەرەو پێش چوونی باشی بەخۆیەوە بینی".
لە ١٦ـی١٢ـی٢٠١٨، ماڵی سێوان قادر لە چەمچەماڵ سووتا، بە گووتەی خێزانی سێوانیش، هاوسەرەکەی بە سووتانی ماڵ و منداڵەکەی هەستاوە، دوای رووداوەكەش لەسەر سكاڵای كەسوكاری سێوان، هاوسەرەكەی بەو تۆمەتە دەستگیرکرا.
ليست هناك تعليقات:
إرسال تعليق