ھۆزان احمد-ناوەندی ھەواڵ-نوێ ژین
بەڕێوەبەرایەتی پۆلیسی ھەولێر ڕایگەیاند، لەگوندی لاجانی سەر ڕێگای ناحیەی گوێر، گروپێکی شەش کەسی ھەوڵیانداوا بەچەک ھەڵبکوتنە سەر ماڵێک و دزیان لێ بکەن و بیانکوژن.
پۆلیسی ھەولێر ئەوەشی رایگەیاند، دوای کۆکردنەوەی زانیاری ورد توانرا دوای کەمتر لە شەش کاتژمێر گروپەکە دەستگیربکەن.
ئاماژەی بەوەشدا،لەکاتی دەستگیرکردنی تۆمەتبارەکاندا دەستیانگرتووە، بەسەر چەکی کڵاشینکۆف و دەمانچەیەک، کۆمەڵێک ماددەی بێھۆشکەر و کەلەپچە و لەزگەی دەمبەستن، کە ویستوویانە بۆ تاوانەکەیان بەکاریبھێنن.
تۆمەتبارەکان دانیان بە تاوانەکەیانداناوە، بە پێی مادەی ٥٥ لە یاسای سزادانی عێراقی بەندکران و لێکۆڵینەوە لەگەڵیاندا بەردەوامە.
ليست هناك تعليقات:
إرسال تعليق