سۆزیار کەریم_ناوەندی هەواڵ_نوێ ژین
درەنگانی شەوی رابردوو لە ناوچەی مەنسوریەی شاری بەغدا، لە لایەن گروپێکی نەناسراوەوە خێزانێکی کورد لە نێو ماڵەکەی خۆیاندا سەربڕدران.
میدیاکانی عێراق بڵاویان کردووەتەوە، خێزانەکە لە "دایک، باوک و کچێک" پێکهاتوون کچەکە دەرچووی بەشی دەرمانسازییە و چالاکوانە و ناوی "شیلان دارا"ـیە، بەگوێرەی زانیاری پزیشکی دادی بەغدا بە ئەگەری ٦٠٪ شیلان دەست درێژی کراوەتە سەر و هەردوو قاچی بڕدراوە.
بە گوێرەی زانیارییەکان، باوکی شیلان سەربڕدراوە و دایکیشی بە چەقۆ کوژراوە، خێزانەکە خەڵکی شاری سلێمانین و بڕیارە تەرمەکانیان بگەڕیندرێنەوە سلێمانی، لە گۆڕستانی سەیوان بە خاک بسپێردرێن.
ليست هناك تعليقات:
إرسال تعليق