عەزیز علی - ناوەندی هەواڵ - نوێ ژین
ئەنجومەنی وەزیرانی هەرێمی کوردستان، لە کۆبونەوەی سبەینێ تاوتوێی دۆخی کەرکوك و ناوچە جێناکۆکەکان دەکات.
خالید شوانی، وەزیری پەیوەندییەکانی نێوان هەرێم و بەغدا، لە ئەکاونتی تایبەتی خۆی بڵاویکردووتەوە، بەیانی چوارشەممە ٣٠-٩-٢٠٢، ئەنجومەنی وەزیرانی حکومەتی هەرێمی کوردستان، لە بڕگەی یەکەمی کۆبونەوەکەدا، تاوتوێی دۆخی کەرکوك و ناوچە جێناکۆکەکان دەکات.
شوانی، جەختیشی لەوە کردەوە" ئەو لیژنەیەی لە کۆبونەوەکەی پێشووتری ئەنجومەنی وەزیران پێکهێنرا، بۆ ئامادەکردنی پڕۆژەیەکی کارکردن لەسەر دۆخی کەرکوك و ناوچە جێناکۆکەکان، کارەکانی تەواوکردووە و سبەی پڕۆژەکەی دەخاتەڕوو".
لەکۆتاییدا، وەزیرەکەی حکومەتی هەرێم، ئەوەشی خستەڕوو؛ کە کەرکوك و ناوچە جێناکۆکەکان ڕووبەرووی پرۆسەی تەعریب بۆتەوە و لە پڕۆژەکەدا کارکردن لەسەر چۆنێتی پاراستنی مافی کوردستانیانی ئەم ناوچەیە کراوە.
ليست هناك تعليقات:
إرسال تعليق