ھۆزان احمد_ناوەندی ھەواڵ_نوێ ژین
دەستەی نەهێشتنی گەندەڵی چین رایگەیاند، لە مانگی تشرینی یەکەمدا ١٣ هەزار و ٤٤٢ بەرپرسی ئەو وڵاتە بە تۆمەتی پێشێلکردنی یاساکان سزادراون.
ئاژانسی هەواڵی چین بڵاویکردەوە، لیژنەی ناوەندی بۆ پشکنینی کۆنتڕۆڵکردنی حزبی شیوعی چین و لیژنەی چاودێری نیشتیمانی لە راگەیاندراوێکیاندا ئاماژەیان بە تێوەگڵانی بەرپرسانی وڵاتەکەیان لە نۆ هەزار و ٣٠٩ دۆسیەی گەندەڵی کردووە.
بەگوێرەی راگەیاندراوەکە، بەرپرسە سزا دراوەکان دابەشبوون بەسەر ٥٧ ویلات و پارێزگادا،حەوت هەزار و ٣٥٥ بەرپرس بەهۆکاری جێبەجێکردنی کاری روکەشییانە لەسەر پێنج هەزار دۆسییە سزادراون.
هاوکات، دەسەڵاتداران لێکۆڵینەوەیان لەسەر چوار هەزار و ٣٦٣ دۆسیەی پەیوەست بە وەرگرتنی بەرتیل و پارە خەرجکردن، لە ئاهەنگ و وەرگرتنی دیاری و بەخشیش و پاداشت و خراپ بەکارهێنانی سامانی گشتی بۆ رێوڕەسمی خوانەکانیان کردووە و بەهۆیەوە شەش هەزار و ٨٧ بەرپرس سزادراون.
ليست هناك تعليقات:
إرسال تعليق