بـارزان خـالـد_ناوەندی ھەواڵ_نوێ ژین
ڕێكخراوی هەنگاو بۆ مافەكانی مرۆڤ ڕایگەیاند، ٢ کۆڵبەری کورد لە سنووری شارەکەی خۆیان سەر بە پارێزگای ئورمیە بە تەقەی ڕاستەوخۆی هێزە سەربازیەكانی ئێران کوژران.
ڕێكخراوی هەنگاو بۆ مافەكانی مرۆڤ لە ڕاگەیەندراوێكدا ئاماژەی بەوە کردووە: "ئێوارەی پێنجشەممە، ٢٨ـی ئایاری ٢٠٢٠، هێزە سەربازیەكانی ئێران لە ناوچەی سنووری ئەلەندی سەر بە پارێزگای ئورمیە، دەستەیەک لە کۆڵبەرانی ئەو ناوچەیەیان دایە بەر دەستڕێژی گوللە و بەهۆیەوە ٢ کۆڵبەر گیانیان لەدەستدا".
ئاماژە بەوەشكراوە: "ئەو ٢ کۆڵبەرە خەڵکی گوندی کەرکووشن لە قەزای سەفائیە، ناوی ئەو ٢ کۆڵبەرە کوژراوە بریتین لە موحسێن دەرویشزادە و ئیبراهیم جوردیزج".
ئەوەش لە كاتێكدایە، بەپێی ئامارەكانی ڕێکخراوی مافی مرۆڤی هەنگاو، لە ماوەی ١٠ ڕۆژی ڕابردوودا لانیکەم ١١ کۆڵبەری کورد بە تەقەی ڕاستەوخۆی هێزە سەربازیەكانی ئێران و تورکیا برینداربوون.
ليست هناك تعليقات:
إرسال تعليق