بـارزان خالد_ناوەندی ھەواڵ_نوێ ژین
ئەفسەرێک لە فەرماندەی ئۆپراسیۆنەکانی سەڵاحەدین رایگەیاند، چەکدارانی داعش هێرشیان کردووەتە سەر ماڵی جێگری پارێزگاری سەڵاحەدین.
سەعد محەمەد، ئەفسەر لە فەرماندەی ئۆپراسیۆنەكانی سەڵاحەدین رایگەیاند: "چەکدارانی داعش هێرشیان كردووەتە سەر ماڵی ئیسماعیل هەلوب، جێگری پارێزگاری سەڵاحەدین لە باشوری رۆژئاوای شاری تكریت، سەنتەری پارێزگای سەڵاحەدین".
ووتیشی: "لە میانی هێرشەكەدا، شەڕ و پێكدادان لەنێوان پاسەوانانی جێگری پارێزگاری سەڵاحەدین و چەکدارانی داعشدا روویداوە، بەڵام هیچ زیانێكی گیانی لێ نەكەوتووەتەوە".
ئاماژە بەوەشکراوە: "دوای گەیشتنی هێزی پشتیوانی بۆ ناوچەكە، چەکدارانی داعش بەرەو شوێنێكی نادیار هەڵاتوون و لە ئێستادا لێکۆڵینەوە لە رووداوەکە بەردەوامە".
ليست هناك تعليقات:
إرسال تعليق