شوان امین_ناوەندی هەواڵ _نوێ ژین
بەڕێوەبەری تەندروستیی شنگال، ئاشكرای كرد بە هۆی بڵاوبوونەوەی پەتای كۆرۆنا لە شنگال و دەوروبەری، لە كۆمەڵگەی گوهبەل بۆ ماوەی ۱۰ رۆژ قەدەغەی هاتوچۆ ڕاگەیانرا.
ئەمڕۆ چوارشەممە ۱۲تشرینی یەکەمی۲۰۲۰، دكتۆر بەكر سلێمان، بەڕێوەبەری تەندروستیی شنگال ڕایگەیاند:" كە مەترسییەكی زۆر لەسەر دانیشتوانی كۆمەڵگەی گوهبەلی سەر بە شنگال هەیە و پەتای كۆرۆنای تێدا زۆر بڵاو بووەتەوە، هەر بەو هۆیەوە بۆ ماوەی ۱۰ رۆژ قەدەغەی هاتوچۆ راگەیانرا".
ناوبراو باسی لەوەشکرد:" كە تەنیا شوێنی فرۆشتنی سەوزە و میوە و خواردەمەنی دەكرێتەوە و ئەوانەشی كاری كشتوكاڵی دەكەن، دەبێ ڕەزامەندیی پۆلیس وەربگرن تا بتوانن لە ماڵەكانیان دەربچن".
بەڕێوەبەری تەندروستی شنگاڵ ئەوەشی گووت:" كە تا ئێستا لە شنگال ناتوانن پشكنینی ڤایرۆسی كۆرۆنا بكەن و كارگەی ئۆكسجینیشی لێ نییە".
ليست هناك تعليقات:
إرسال تعليق