ھۆزان احمد_ناوەندی ھەواڵ_نوێ ژین
بەڕێوەبەری رێگاوبانی سەقز لەڕۆژھەڵاتی کوردستان رایگەیاند، بەهۆی بەفربارینەوە ڕێگای نێوان چەندین ناوچە داخراون و لەھەندێک ناوچەش نزیکەی ٨٠سانتیم بەفر باریوە.
مەحمود رۆحانیزادە بەڕێوەبەری رێگاوبانی سەقز بە ئاژانسی میهری راگەیاندووە، ڕێگاکانی نێوان سەقز-دیواندەرە و سەقز-بانە داخراون،ھاتووچۆ ئەستەمە بۆیە داوا لە ھاوڵاتیان دەکات بۆکاری پێویست نەبێت نەچنە دەرەوەی ناوچەکانی نیشتەجێبوون.
ئاماژەی بەوەشداوە، بارینی ئەو ڕێژە زۆرەی بەفر دوور لە چاوەڕوانی ئەوان بووە و لە ئێستادا لەڕێگەی پێنج تیمەوە سەرقاڵی پاککردنەوەی رێگا سەرەکییەکانی نێوان شارەکانی، سەقز، دیواندەرە، بانە، بۆکان و مەریوانن.
ساڵانە لە وەرزی زستاندا، چەند شەپۆلێکی بەفربارین ناوچە شاخاوییەکانی رۆژهەڵات و باکور و باشوری کوردستان دەگرێتەوە و هەندێک جاریش بەهۆی بەفرەوە ئاستەنگی هاتوچۆ دروستدەبێت.
ليست هناك تعليقات:
إرسال تعليق