سروە خۆشناو-ناوەندی هەواڵ-نوێ ژین
ئەندامێکی لیژنەی دارایی پەرلەمانی عێراق رایدەگەینێت :ڕەنگە کۆتایی ئەم هەفتەیە هەولێر و بەغدا بگەنە رێککەوتن، دوای ئەوەی هەرێم هەموو تۆمارەکانی نەوت و دەروازە سنورییەکانی، رادەستی بەغدا کردووە.
ئەمڕۆ ۲۳ـی شوباتی ۲۰۲۱، محاسن حەمدون ئەندامی لیژنەی دارایی پەرلەمانی عێراق، رایگەیاند:" لیژنەی دارایی پرۆژەیاسای بودجەی ٢٠٢١ـی بەرزکردووەتەوە بۆ سەرۆکایەتی پەرلەمان،چاوەڕێی دیاریکردنی وادەی تێپەڕاندنی پرۆژەکەن".
محاسن حەمدون ئەوەشی خستووەتەڕوو:"زۆر سەختە بتوانرێت پێنج شەممەی داهاتوو دەنگ لەسەر بودجە بدرێت، بەبێ یەکلابوونەوەی ناکۆکییەکانی نێوان حکومەتی فیدڕاڵی و هەرێمی کوردستان."
جەختیشی کردەوە: "کوتلە سیاسییەکانی عێراق و هەرێمی کوردستان، تائێستا ناکۆکییەکانیان یەکلانەکردووەتەوە بەڵام رەنگە لە کۆتایی ئەم هەفتەیەدا بگەنە چارەسەر بەتایبەتی، دوای ئەوەی هەرێم هەموو تۆمارەکانی تایبەت بە هەناردەی نەوت و داهاتی دەروازە سنورییەکانی ناردووە بۆ بەغدا، بۆ ئەوەی وردبینی تێدابکرێت.
ليست هناك تعليقات:
إرسال تعليق