ئوسامە ئەحمەد_ناوەندی هەواڵ_نوێ ژین
ڕاوێژکاری ئەڵمانیا ڕایگەیاند، وڵاتەکەی قۆناغی یەکەمی بڵاوبونەوەی ڤایرۆسی کۆرۆنای تێپەڕاند، دەشڵێت بەپێی توانا ڕێكکارەکان کەم دەکەینەوە.
"ئەنگێلا مێرکڵ"، ڕاوێژکاری ئەڵمانیا لە کۆنگرەیەکی ڕۆژنامەوانیدا ڕایگەیاند: "قۆناغی یەکەمی بڵاوبونەوەی ڤایرۆسی کۆرۆنا لە وڵاتەکەی تێپەڕیوە، پێویستە لەوە تیبگەین کە مانەوە و کارکردنیان پێکەوە بۆ ماوەیەکی درێژ هۆکاری تێپەڕاندنی قۆناغەکە بووە".
ئاماژەی بۆ ئەوەشکرد: "گەیشتوتنە خاڵیک بە پێی توانا و بە شێوەیەکی ڕێکخراو ڕێککارەکان کەمدەکەنەوە".
ئەڵمانیا پلەی شەشەمی ئەو وڵاتانەی گرتووە کە زۆرترین ژمارەی توشبوانی کۆرۆنایان تێدا تۆمارکراوە، تا ئێستا ١٦٧ هەزار و ٣٧٢ توشبوو لەو وڵاتە تۆمارکراون، بەپێی هەندێک ئاماریش ژمارەی گیانلەدەستدان گەیشتوەتە ٦ هەزار و ٩٩٣ کەس.
ليست هناك تعليقات:
إرسال تعليق