سۆزیارکەریم_ناوەندی هەواڵ_نوێ ژین
رێكخراوی هەنگاو بۆ مافەكانی مرۆڤ رایگەیاند، بەهۆی تەقەی راستەوخۆی هێزە ئەمنییەکانی ئێرانەوە لە سنووری بانە کۆڵبەرێک کوژرا.
رێکخراوی هەنگاو بۆ مافی مرۆڤ رایگەیاند: "هێزە ئەمنیەكانی ئێران لە بەرزاییەکانی سنوری بانە تەقەیان لە کاروانێکی کۆڵبەران کردووە و لە ئاکامدا کۆڵبەرێک کوژراوە، ئەو كۆڵبەرە ناوی "مێهدی زارعی"ـیە و خەڵكی سەردەشتە".
ئاماژە بەوەشکراوە: "لە مانگی رابردودا ٢٦ كۆڵبەر لە سنورەکانی رۆژهەڵاتی کوردستان کوژراون و بریندارکراون کە ٨١٪ـی ئەو حاڵەتانە بە تەقەی راستەوخۆی هێزە ئەمنیەكانی ئێران و تورکیا بووە".
